Omnes gentes, plaudite. The Gentiles are invited to praise God for the establishment of the kingdom of Christ.

[1] In finem, pro filiis Core. Psalmus. [2] Omnes gentes, plaudite manibus; jubilate Deo in voce exsultationis : [3] quoniam Dominus excelsus, terribilis, rex magnus super omnem terram. [4] Subjecit populos nobis, et gentes sub pedibus nostris. [5] Elegit nobis haereditatem suam; speciem Jacob quam dilexit.

[6] Ascendit Deus in jubilo, et Dominus in voce tubae. [7] Psallite Deo nostro, psallite; psallite regi nostro, psallite; [8] quoniam rex omnis terrae Deus, psallite sapienter. [9] Regnabit Deus super gentes; Deus sedet super sedem sanctam suam. [10] Principes populorum congregati sunt cum Deo Abraham, quoniam dii fortes terrae vehementer elevati sunt.