Latin Vulgate Bible

< prev Prophecy of Baruch* next >
< prev Chapter 5 next >
1 2 3 4 5 6                            

Jerusalem is invited to rejoice and behold the return of her children out of their captivity.

 1 Exue te, Jerusalem, stola luctus et vexationis tuae, et indue te decore, et honore ejus, quae a Deo tibi est, sempiternae gloriae.  2 Circumdabit te Deus diploide justitiae, et imponet mitram capiti honoris aeterni.  3 Deus enim ostendet splendorem suum in te, omni qui sub caelo est.  4 Nominabitur enim tibi nomen tuum a Deo in sempiternum : pax justitiae, et honor pietatis.  5 Exsurge, Jerusalem, et sta in excelso : et circumspice ad orientem, et vide collectos filios tuos ab oriente sole usque ad occidentem, in verbo Sancti, gaudentes Dei memoria.

 6 Exierunt enim abs te pedibus ducti ab inimicis : adducet autem illos Dominus ad te portatos in honore sicut filios regni :  7 constituit enim Deus humiliare omnem montem excelsum et rupes perennes, et convalles replere in aequalitatem terrae, ut ambulet Israel diligenter in honorem Dei.  8 Obumbraverunt autem et silvae, et omne lignum suavitatis Israel ex mandato Dei.  9 Adducet enim Deus Israel cum jucunditate in lumine majestatis suae, cum misericordia et justitia quae est ex ipso.

< prev Prophecy of Baruch* next >
< prev Chapter 5 next >

 
TOP OF PAGE